Лячэбная дзейнасць

Метады біялагічнай тэрапіі ўключаюць у сябе:

• фармакатэрапію (лячэнне медыкаментамі),
• электрасутаргавую тэрапію.

У псіхіятрыі выкарыстоўваюцца наступныя асноўныя групы лекавых прэпаратаў:

• нейралептыкі, таксама яны называюцца антыпсіхотыкамі:

для лячэння пацыентаў, пакутуючых псіхічнымі разладамі з падманамі пачуццяў (галюцынацыямі), трызневымі ідэямі, маніякальным узбуджэннем;

• антыдэпрэсанты:

для лячэння пацыентаў з разнастайнымі відамі дэпрэсій і трывожна-дэпрэсіўных разладаў;

• насонные і транквілізатары:

для лячэння парушэнняў сну, трывогі, эмацыйнай неўстойлівасці;

• лекі, якія стабілізуюць афектыўную сферу (нарматымікі);

для замацавання лячэбнага эфекту ў лячэнні дэпрэсій і біпалярнага афектыўнага разладу;

• наатропы:

для паляпшэння працы галаўнога мозгу пры ўзвышанай стамляльнасці, для лячэння наступстваў траўм і разнастайных інфекцыйных захворванняў мозгу, пры атэрасклерозе;

• антыканвульсанты:

для лячэння эпілепсіі і іншых разладаў, якія суправаджаюцца сутаргамі і іншымі параксізмальнымі парушэннямі.

Прэпараты ўсіх згаданых груп з’яўляюцца псіхаактыўнымі рэчывамі. Некаторыя з іх могуць выклікаць залежнасць. Ні ў якім выпадку нельга самаму, без кансультацыі з урачом, пачынаць іх прыём або самаму змяняць дазіроўкі і рэжым прыёму

Часта для дасягнення пажаданага стабільнага эфекту патрабуецца працяглы прыём лекаў. Выкананне рэкамендацый урача з’яўляецца закладам паспяховага лячэння, прафілактыкі абвастрэння, захавання сацыяльнага і працоўнага статусу.

Псіхалагічная дапамога, разнастайныя віды псіхатэрапіі з’яўляюцца неад’емнай часткай лячэння любых псіхічных разладаў.

Дапамога ў Цэнтры аказваецца мультыдысцыплінарнымі камандамі, у склад якіх акрамя іншых спецыялістаў уваходзяць псіхолагі і псіхатэрапеўты.

У рамках псіхалагічнай дапамогі спецыялісты праводзяць:

• эксперыментальна-псіхалагічныя даследванні;
• псіхадыягностыку эмацыянальнага стану, кагнітыўных і асобасных асаблівасцяў пацыентаў;
• кансультаванне ў адносінах да стратэгій суладання з жыццёвымі цяжкасцямі;
• псіхаадукацыйныя праграмы для пацыентаў і іх сваякоў.

Псіхалагічная дапамога аказваецца з выкарыстаннем вядомых псіхатэрапеўтычных напрамкаў: рацыянальна-эматыўнага, паводзінскага, псіхааналізу, трансактнага аналізу, гештальт-тэрапіі, сямейнай псіхатэрапіі і інш.

Разам з індывідуальнай шырока ўжываюцца метады групавой псіхатэрапіі – у многіх аддзяленнях на пастаяннай аснове праводзяцца групы асабістага росту, камунікатыўнага трэнінгу, групы па працы з залежнасцямі.

Пры ўдзеле медыцынскіх псіхолагаў у некаторых аддзяленнях Цэнтра ажыццяўляецца псіхалагічная праца з сем’ямі пацыентаў.

Згодна з прынцыпамі бія-псіха-сацыяльнай мадэлі сацыяльная частка грае істотную ролю ў прафілактыцы і лячэнні псіхічных разладаў. Як паказвае практыка, праблемы сацыяльнага кантэксту могуць звесці на нішто вынікі любога паспяховага лячэння.

Пэўна нашы магчымасці ўдзейнічаць на сацыяльныя ўмовы, у якіх жывуць нашы пацыенты, вельмі абмежаваны. тым не меньш, пад час стацыянарнага лячэння мы спрабуем стварыць перадумовы для неабходных змен.

У Цэнтры функцыянуюць мультыдысцыплінарныя каманды, у склад якіх уваходзяць і сацыяльныя работнікі, іх непасрэднымі абавязкамі з’яўляюцца:

• правядзенне групавых і індывідуальных заняткаў з пацыентамі;
• выяўленне пацыентаў, якім патрабуецца сацыяльная дапамога і ацэнка цяжару сацыяльных праблем;
• устанаўленне прычын сацыяльнага дрэннага становішча, вызначэнне характару і аб’ёму неабходнай сацыяльнай дапамогі і паслуг;
• складанне «сацыяльнага пашпарта» пацыентаў;
• аказанне дапамогі ў падрыхтоўцы і афармленні дакументаў для прыняцця на пастаяннае або часовае сацыяльнае абслугоўванне/забеспячэнне, а таксама для апекі і папячыцельства;
• кансультаванне пацыентаў лячэбных аддзяленняў Цэнтра па пытаннях аказання сацыяльнай дапамогі і сацыяльнага абслугоўвання;
• узаемадзеянне з разнастайнымі дзяржаўнымі, грамадскімі, рэлігійнымі арганізацыямі і ўстановамі па пытаннях аказання сацыяльнай дапамогі пацыентам.