Цішкевіч Ларыса Аляксандраўна

Цішкевіч Ларыса Аляксандраўна, 1971 года нараджэння, беларуска, адукацыя вышэйшая. У 1995 годзе скончыла Мінскі ордэна Працоўнага Чырвонага Сцяга дзяржаўны медыцынскі інстытут па спецыяльнасці «Лячэбная справа».

З 01.08.1995 па 30.06.1996 прайшла стажыроўку па псіхіятрыі ў ДУ «Рэспубліканская клінічная псіхіятрычная бальніца», а затым працягнула працу ў якасці ўрача-псіхіятра-нарколага ў псіхіятрычным жаночым аддзяленні № 8 РКПБ.

З лістапада 1998 года працуе на пасадзе ўрача-псіхіятра-нарколага (загадчыка аддзяленнем) 16-га псіхіятрычнага аддзялення (для жанчын).

Зарэкамендавала сябе добрым арганізатарам, пісьменным, добрасумленным, адказным спецыялістам.

Пастаянна павышае сваю прафесійную кваліфікацію. У сакавіку 2005 года прысвоена першая кваліфікацыйная катэгорыя па спецыяльнасці «Псіхіятрыя».

Рэгулярна праходзіць навучанне на курсах павышэння кваліфікацыі па псіхіятрыі і наркалогіі. Удзельнічала ў рэспубліканскіх і міжнародных канферэнцыях. Рэгулярна прымае ўдзел у семінарах, канферэнцыях, клінічных разборах, якія праводзяцца на базе РНПЦ псіхічнага здароўя.

Ажыццяўляе планаванне, арганізацыю, кантроль якасці медыцынскай дапамогі ў аддзяленні.

Узначаленнае ёй аддзяленне дамагаецца добрых вынікаў па асноўным паказчыкам дзейнасці стацыянара. Рэгулярна выязджае з кансультатыўнай дапамогай у стацыянары саматычных клінік г. Мінска.

Цішкевіч Л.А. актыўна ўдзельнічае ў грамадскім жыцці: з 1999 з’яўляецца членам Беларускай псіхіятрычнай асацыяцыі, з 2012 членам Беларускай асацыяцыі ўрачэй, з 2013 знаходзіцца ў Рэспубліканскім грамадскім аб’яднанні «Белая Русь».

У працы дысцыплінавана, патрабавальна, тактычна, дабразычліва, мае аўтарытэт сярод супрацоўнікаў цэнтра і пацыентаў. Вызначаецца высокім культурным узроўнем і шырокім кругаглядам.