5-е псіхіятрычнае аддзяленне (для жанчын), для лячэння крызісных станаў

 

 

Аказваемая медыцынская дапамога:

З 01.01.11 г. у ДУ «РНПЦ псіхічнага здароўя» адчынена псіхіятрычнае жаночае аддзяленне № 5 для лячэння крызісных і дэпрэсіўных станаў. Аддзяленне прызначана для аказання псіхіятрычнай, псіхатэрапеўтычнай, псіхалагічнай дапамогі жанчынам, якія здзейснілі суіцыдальныя дзеянні або знаходзяцца ў крызісных і дэпрэсіўных станах з высокай магчымасцю ўчынення суіцыду.

Абслугоўваемыя групы пацыентаў: Рэспубліка Беларусь.

У аддзяленні пад кіраўніцтвам загадчыцы працуюць 2 урача-псіхіятра, 2 урача-псіхатэрапеўта, 2 псіхолага. Выкарыстоўваецца індывідуальная і групавая форма працы з пацыенткамі.

Пацыенткам праводзяцца даследванні і лячэнне згодна з пратаколам дыягностыкі і лячэння псіхічных і паводзінскіх разладаў. Акрамя спецыялізаванай дапамогі пацыенты атрымліваюць фізіятэрапеўтычнае лячэнне.

Кансультатыўная дапамога аказваецца намеснікамі дырэктара Цэнтра, урачамі-спецыялістамі па профілях і навуковымі супрацоўнікамі Цэнтра, а таксама супрацоўнікамі кафедры псіхіятрыі і наркалогіі дзяржаўнай установы адукацыі «Беларуская медыцынская акадэмія паслядыпломнай адукацыі».

Паказанні для шпіталізацыі ў 5 аддзяленне:

• псіхічныя разлады ў пацыентаў, якія знаходзяцца ў крызісных станах з высокай магчымасцю здяйснення суіцыдальных дзеянняў або выканаўшых суіцыдальныя дзеянні;
• пацыенткі з афектыўнымі разладамі, у т.л. пацыенткі з дэпрэсіўнымі і маніякальнымі разладамі;
• пацыенткі з разладамі адаптацыі;
• першасныя пацыенткі з вострымі псіхатычнымі станамі аўтаагрэсіўнымі паводзінамі;

Супрацьпаказанні для шпіталізацыі ў 5 аддзяленне:

• хранічныя псіхічныя разлады псіхатычнага спектра з аўтаагрэсіўнымі паводзінамі (шпіталізуюцца ў 14 аддзяленне);
• дэменцыі, у т.л. з аўтаагрэсіўнымі паводзінамі;
• разлад асобы з наяўнасцю парушэнняў паводзінаў, агрэсіяй;
• стан алкагольнага, наркатычнага ап’янення.